CAGAYAN DE ORO CITY – Nakabalik na ang sobra 300 ka residente nga unang napugos paghikling sa luwas nga lugar nunot sa sunod-sunod nga engkuwentro tali sa militar batok CPP-NPA sa Brgy Plaridel,Claveria,Misamis Oriental.
Kini human naabog na sa 58th IB,Philippine Army ang presensiya sa mga rebelde sa mga utlanang bahin sa duha ka brgy sa lungsod sa Jasaan ug Claveria sa miaging semana.
Gibutyag ni 58th IB civil military officer1Lt Vincent Mark Maddul nga mismo usab ang local officials sa Jasaan ang nagkumbensir sa ilang mga residente sa Brgy Natubo ug San Nicholas aron mobalik na sila sa ilang mga pinuy-anan.
Hisayrang sa maong engkuwentro,napatay sa militar ang tulo ka NPA members nga pulos lumad ug nahatod na usab sa tagsa-tagsa niini ka pamilya sa lungsod sa Lagonglong ug Balingasag sa lalawigan.
