CAGAYAN DE ORO CITY – Napahimutang na sa ensaktong pahulayan o common grave ang gatusang mga residente nga wala maila dihang kabahin sila sa sobra mil-400 ka kinabuhi nga nakalas atol sa paghapak sa bagyong Sendong ning syudad.
Kini human panguluhi ni Rev. Msgr Rey Manuel Monsanto,konsultor sa Archdiocese sa Cagayan de Oro ang paghalad sa santos nga misa sa kapilya sa city memorial park nunot sa ika-13 ka tuig nga pagdumdom kagahapon sa buntag.
Miingon si Monsanto nga importante nga mahalaran sa mga pag-ampo ang maong mga biktima ug mapahimutang na sa katapusang pahulayan.
Hisayrang nahatagan katumanan ang interment ceremony subay usab sa hangyo sa mga tagtungod ngadto sa konseho nga gilayong gisuportahan ni City Mayor Rolando ‘Klarex’ Uy sa miaging semana.
