CAGAYAN DE ORO CITY – Hinay-hinay nang nangbalik sa ilang mga puy-anan ang sobra 5-mil ka pamilya nga unang nangbakwit gikan sa 86 ka brgy nga sakop sa upat ka lungsod sa Lanao del Sur.
Kini human naigo sa grabeng mga pagbaha epekto sa mga pag-ulan ang kalungsuran sa Malabang,Kapatagan,Marogong ug Balabagan sa miaging semana.
Namahayag si Shaminoden Sambitory,hepe ng Lanao del Sur Provincial Disaster Risk Reduction Office nga sa maong mga pagbaha,usa ka residente ang kompirmadong namatay ug laing duha ka bata ang gianod nga pabiling missing.
Gawas sa casualties,daghang kabalayan usab ang nadamyos.
Gilayong gipaabot ni Lanao del Sur Governor Mamintal ‘Bombit’ Adiong Jr ang tabang sama sa pagkaon ug kagamitan nga mapuslan sa mga pamilya ilabina kadtong dili pa makabalik sa ilang mga balay nga gibahaan.
Hisayrang anaa sa 5-mil 373 ka pamilya ang kompirmadong apektado ug nakabawit epekto sa kalamidad.
