CAGAYAN DE ORO CITY – Ipaubos na sa clearing operation sa mga sundalo ug bomb experts ang sobra 42 ektaryas nga luna nga ubos sa demolition operation sa korte sulod sa Camp Evangelista Military Reservation ning syudad.
Kini ilabina nga ubay-ubay’ng mga bomba ang narekober gikan sa mga gipangguba nga balay sukad gipatuman ang demolasyon.
Miingon si 4ID demolition designate spokeperson Capt Abby Lorenzo nga tuyo niini nga kalikayan ang mga posibleng mga disgrasya ilabina nga ipaubos sa site devt ang mga lote nga nakabante.
Kini tungod kay tukuran sa dugang infra projects alang sa mga sundalo nga madestino sa Mindanao.
Hisayrang sobra 500 ka balay na ang naguba sukad gipatuman ang demolasyon sa miaging adlaw’ng Martes.
