CAGAYAN DE ORO CITY – Gidakop sa kapolisan pinasikad sa pagsupak sa Graphic Health Warnings Law ang indibidwal nga nagpalusot sa gitoohang inismagol nga mga sigarilyo sa Brgy Timber,Ditsa-an Ramain,Lanao del Sur.
Si Police Col Robert Daculan,provincial director sa Lanao del Sur Police Provincial Office miila sa dinakpan nga si alyas Ian nga nagpuyo ra usab sa maong lugar.
Miingon si Daculan nga napadali ang pagkasikop ni Ian tungod sa paghiusa sa ilang lower units nga gipanguluhan sa Criminal Investigation and Detection Group -Lanao del Sur diin nakompiskar ang 779 ka reams sa nagkadaiyang brands sa mga sigarilyo nga mikostar sa 576-mil 460 pesos.
Atubangon ni Ian ang kasong kasupakan sa Republic Act 10643 nga mas ilado nga Graphic Health Warnings law.
