CAGAYAN DE ORO CITY – Nakasuhan na ang 83 ka suspected gun ban violators nga unang nasikop sa nagkadaiyang police-military operations nunot sa implementasyon sa election control sa Commission on Elections sa Northern Mindanao ning tuiga.
Kini ang gitaho ni Police Regional Office 10 spokesperson Lt Col Michelle Olaivar sa Bombo Radyo kabahin sa padayong pagpatuman sa gun ban nga molungtad pa sa Hunyo 8 ning tuiga.
Gibutyag ni Olaivar nga anaa sa 106 ka klase-klaseng armas,sobra libo ka mga bala ug 44 ka hait nga hinagiban ang nakompiskar sa mga operasyon sa tibuok rehiyon.
Siya miingon nga kabahin kini sa mga rason kon nganong napugngan ang posibleng mga kagubot sa piliay dinhi sa NorMin region.
Hisayrang sa wala pa ang piliay,may mga grupo sa armadon ang nabawian sa mga armas nga naglakip sa gun for hires nga naglihok sa Lanao del Norte;pipila ka sundalo sa Villanueva,Misamis Oriental ug kandidato pagka-bise mayor sa Bukidnon.
