CAGAYAN DE ORO CITY – Depensahan sa duha ka suspected drug pushers ang ilang kaugalingon batok sa kasong pagsupak sa Comprehensive Dangerous Drugs Act of 2002 sa piskalya sa Bukidnon.
Kini human nadakpan sila alyas Jac-Jac,20 anyos,minyo ug Jommy,32 anyos,minyo nga pulos nagpuyo sa Purok 8,Calacapan,Brgy Casisang,Malaybalay City,Bukdinon.
Saysay sa City Drug Enforcement Unit ubos sa Malaybalay City Police Station nga maoy nabawi gikan sa mga dinakpan ang sobra usa ka kilo nga marijuana nga adunay kantidad nga 145-mil pesos.
Nakompiskar usab gikan sa mga suspek ang ubang mga ebedensiya nga magamit sa kaso batok kanila sa korte.
