CAGAYAN DE ORO CITY – Itugyan sa Philippine National Police ngadto sa Bureau of Customs- Iligan City sa ilang nabawi nga sobra 20 milyones pesos nga kantidad sa gitoohang gi-ismagol nga sigarilyo sa duha ka magkalahing brgy sa Sultan Naga Dimaporo,Lanao del Norte.
Gibutyag ni Police Regional Office 10 spokesperson Major Joann Navarro nga ang maong mga sigarilyo nadiskobre sa lower units personnel sulod sa duha ka balay nga nagsilbing taguanan sa mga kontrabando sa lugar.
Siya miingon nga anaa sa 506 ka kahon sa mga sigarilyo ang nakompiskar agi’g koneksyon nga operasyon sa unang pagka-embargo sa susamang kontrabando nga gibiyaan daplin sa dagat.
Kini ang pinakadakong pagkabawi sa kapolisan sa maong mga kontrabando nga misulod sa balwarte sa Lanao del Norte.
