CAGAYAN DE ORO CITY – Mi-damyos sa minilyong balor salapi ang kalit nga pagdagko sa mga balod sa dagat nga mihapak sa upat ka coastal brgys sa dakbayan ug laing tulo usab sa lungsod sa Tagoloan,Misamis Oriental sa miaging semana.
Gibutyag ni OCD 10 asst regional director Col. Gilbert Conde nga anaa sa 405 ka pamilya o mil – 378 ka residente ang apektado nga okupante sa 207 ka balay nga nasudlan sa tubig-dagat.
Siya miingon nga wala pa makasubmitar sa final data ang city govt kabahin sa kantidad sa kadaot apan sa Tagoloan LGU,mitala kini sa sobra 4 milyones pesos.
Maoy gilampurnas sa mga dagkong balod dala sa bagyong Paeng ang kabarangayan sa Agusan,Tablon,Bugo ug Puerto sa syudad samtang ang Baluarte,Casinglot ug Gracia sa Tagoloan ning lalawigan sa miaging semana.
