Labaw sa lima ka gatos ka milyon ka pesos nga pundo sa confidential ug intelligence funds nga gi-audit sa Commission on Audit (COA) ang gitakdang tubagon sa sunod nga testigo alang sa impeachment trial ni Vice President Sara Duterte.
Sa interbyu sa Bombo Radyo, gipasabot ni Prosecution Panel Spokesperson ug kanhi Representative Robert Ace Barbers nga gikan gihapon sa COA ang ilang ipresentar nga testigo tungod kay sila ang nakadiskubre sa mga anomalya sa liquidation.
Dugang pa ni Barbers, sobra sa tunga sa bilyon ka pesos nga pondo sa gobyerno ang gigamit sa OVP ug DepEd nga walay gipakitang pruyba nga may nakabenepisyo nga ahensya sa balaod.
Gitin-aw sa tigpamaba nga wala sila nag-ingon nga guilty na dayun ang opisyal, apan naghatag kini og dakong pangutana sa publiko tungod sa kawalay sakto nga liquidation report.
