Personal nga mibisita ang social media influencer nga nailhan sa ngalan nga “Miss Ginbilog” aron isumiter ang iyang reklamo sa Cybercrime Investigation and Coordinating Center (CICC). NUnot kini sa iyang nadiskobrehan nga nabiktima siya sa spoofing sa social media.
Iyang giklaro nga dili siya ang tag-iya sa account nga gi-take down sa META tungod sa pag-endorso sa iligal nga online sugal. Namugos si Miss Ginbilog, wala siya’y kalabutan sa maong account.
Human sa pakighinabi sa CICC, nasabtan sa biktima nga siya biktima siya sa spoofing ug gigamit lang ang iyang ngalan ug litrato aron ipromote ang usa ka illegal online gambling platform.
Ang iyang orihinal nga account adunay 7.3M followers, samtang ang peke nga account adunay 6.8M followers.
Gumikan niini, nagpahimangno ang CICC sa publiko nga magmatngon sa mga nagkatag nga mga peke nga account sa social media nga gapromotar sa iligal nga sugal.
