CAGAYAN DE ORO CITY – Ipa-take down sa Commission on Elections o Comelec ang bisan unsa nga social media post nga nakahatag pagsupak sa lagda sa piliay sunod tuig.
Kini human aktibo na ang resolusyon nga nagkontrol sa social media political propaganda sa mga kandidato ilabina kon mangguba sa ilang mga kaatbang sa politika.
Miingon si Comelec 10 regional lawyer Gina Sabio nga gi-obligar nila sa pagpa-rehistro ang mga kandidato nga mogamit niini hangtod sa Disyembre 13 ning tuiga.
Paritkular usab nila gitutukan ang paggamit sa Artificial Intelligence.Siya miingon nga kadtong walay pagpakabana niini,makalaum nga ipa-takedown nila sa nagkadaiyang social media platforms ang political materials sa sunod tuig.
Kini nga lakang nagsumikad gihapon sa reporma nga gustong mahitabo sulod sa ahensiya ni Comelec chairman George Garcia.
