CAGAYAN DE ORO CITY – Namatay sa pagkalumos sa sobra ka baga sa aso ug pagka-apil sa pagkasunog ang upat ka sakop sa pamilyang Ayangod sa Brgy 22 ning syudad.
Kini sukwahi sa unang nagkatag nga report nga gipang-patay ang magtiayong Ador ug Juliet Ayangod ingon man ang ilang anak nga si Ester ug Joseph ayha nasunog ang ilang pinuy-anan sa miaging semana.
Miingon si City District Fire Marshall Supt Allan Cabut nga subay kini sa otopsiya nga gilusad sa SOCO-10 sa patay’ng lawas sa mga biktima.
Una nang naukay ang katawhan sa maong lugar dihang nadiskobre ang mga patay’ng lawas sa biktima sa pagka-Sabado na sa buntag gikan sa pagkasunog niadtong Miyerkules sa gabii.
Hisayrang mitala na sa 150-mil ang damyos sa maong sunog.
