Dili na unta kinahanglan nga ipasa pa ang SOGIE Equality Bill kung patas lamang ang pagtratar sa tanan, apan gipamugos kini ni Atty. Samantha Tan, legal counsel sa LGBT Pilipinas, aron mapahunong na ang mga pagpang-insulto ug diskriminasyon batok sa ilang komunidad.
Subay sa iyang pamahayag, bisan pa man og kanunay sila nga nagpakita og dakong respeto sa katilingban, nagpabilin gihapon ang pangutana kon sila ba ang girespeto usab.
Dugang pa niini, gipangutana usab sa abogado kon nganong giisip nga kahuyang ang pagka-homosexual, ilabi na nga hangtod karon nagpabilin ug lig-on gihapon sila bisan pa sa mga pagsulay sa pag-condemn ug pag-persecute kanila.
Lakip usab sa iyang gihagit mao ang mga kritiko nga motubag kon ngano nga daghan gihapon kanila ang nakasinati og pagbinastos bisan sulod sa mga eskwelahan.
Giinsister ni Atty. Tan nga ang ilang pagpadayon taliwala sa tanang kalisod maoy pruweba nga ang ilang katungod angay gyud nga ilhon sa matag usa.
