CAGAYAN DE ORO CITY – Gipaniguro sa Police Regional Office 10 ang ilang suporta sa ilusad nga piliay sa Mayo ning tuiga.
Kini ang pasalig ni PRO 10 Director Brig Gen Jaysen De Guzman nga kabahin sa aktibong mipirma sa SOLIDARITY PACT SIGNING sa Kampo Alagar ning syudad kagahapon sa buntag.
Gibutyag ni De Guzman nga kauban ang militar ingon man ang ubang deputy govt agencies,nakaandam sila nga mohatag sa seguridad alang sa hapsay ug adunay kredebilidad nga pagpahigayon sa eleksyon.
Miingon si De Guzman nga kanunay ang ilang koordinasyon sa ubang law enforcement agencies aron masiguro nga luwas ang mga kandidato ug mismong mga botante nga molambigit sa piliay ning tuiga.
