Taliwala sa pagsaulog sa Suicide Prevention and Awareness Month karong bulana, magkahiusa ang dakbayan sa Cagayan de Oro sa usa ka lakaw sa paglaum o Solidarity Walk karong Setyembre 13.
Gipahayag ni CJ Carl Salcedo sa CSWD Psychosocial Unit nga kini nga kalihokan usa ka tawag sa tanan aron matabangan ug maluwas ang mga kinabuhing nag-antos sa kangitngit sa kalisod sa hunahuna.
Magsugod ang maong lakaw sa alas singko kwarenta’y singko sa buntag gikan sa Rodelsa Circle padulong sa City Amphitheater.
Tumong sa dakbayan nga ipabati sa tanan nga andam silang maminaw ug motabang aron walay bisan kinsa ang mobati nga nag-inusara sa ilang gitagamtam nga pag-antos.
