CAGAYAN DE ORO CITY, Philippines – Gikompirmar ni Sagip party-list Representative Rodante Marcoleta nga nasang-at na House Resolution 1827 nga nagtumong sa pag-imbestigar sa giingong mga deposito nga nadawat sa opisyal sa Comelec tungod sa posibleng kalapasan sa Anti-Graft and Corrupt Practices Act (Republic Act 3019).
Wala gitumbok ni Marcoleta si Comelec Chief Atty George Erwin Garcia, isip respondent sa ilusad nga hearing sa balaybalauran.
Gihimo ni Marcoleta ang rebelasyon batok Garcia, dul-an usa ka bulan, human nabalhin ang nabaniog nga 1-bilyon pesos nga kantidad gikan sa lain-lain nga bangko, nga gilakipan sa South Korea, padulong aa 49 ka offshore bank accounts nga gipanag-iya sa labaw sa Comelec.
Sa pikas bahin, bisan wala hinganli ni Marcoleta ang pagkatawo sa opisyal sa Comelec sa iyang press conference niadtong Hulyo 9, si Comelec Garcia na mismo ang mitubag sa prensa nga siya ang target sa ‘character assassination’ sa pundok ni Marcoleta.
Una nang gihimakak sa poll body chief ang akusasyon, tungod kay nagtumong lamang ang kampo ni Marcoleta nga gubuton ang ilang preparasyon sa nagkaduol nga 2025 Automated Elections sa Mayo.
Sa milabay’ng interview sa prensa, nangugat si Garcia nga mugawas ra kung kinsa ang utok sa pagguba sa iyang pagkatawo pinaagi sa tabang sa National Bureau of Investigation.
