CAGAYAN DE ORO CITY – Posibleng gamiton sa kamarabaha ang paagi nga dili na moagi sa mga pagdungog ang pag-impeach kang Vice Pres Sara Duterte.
Kini ang pagtoo ni kanhi City Mayor Oscar Moreno kinsa nahimo usab nga impeachment prosecutor sa panahon nga giimbestigaran si kanhi Pres Joseph Estrada tungod sa isyu sa jueteng payola kaniadto.
Miingon si Moreno nga dili kini imposible ilabina nga nagdali ang daghang impeachment case complainants nga makaabot sa senado ang ilang sumbong batok Duterte.
Siya miingon nga nagkinahanglan lang sa sobra gatos ka kongresista ang mopirma sa resolusyon aron makaabot sa senado ang mga reklamo batok sa bise-presidente.
