Gikondena sa United Peoples Initiative (UPI) ang mga lakang sa gobyerno nga nagpakita lamang sa halapad nga pattern sa korapsyon sa nasud. Sumala ni UPI Secretary General Capt. Rey Valeros Jr. sa iyang interbyu sa Bombo Radyo, dili patas nga solusyon sa oil crisis nga giatubang sa nasud ang paghatag lamang og ayuda ug deklarasyon sa emerhensiya sa enerhiya.Butyag ni Valeros nga wala nila makita nga epektibo ug patas ang paghatag og subsidiya sa mga drayber tungod kay dili lamang ang sektor sa transportasyon ang hingpit nga apektado sa krisis. Gisaway usab niya nga ang mga ayuda dili long-term ug temporaryo lamang nga relief sa mga drayber, rason nga dili sila kontento sa mga lakang sa gobyerno.Para ni Valeros, mas angay nga magpagawas og administrative order ang gobyerno aron ipamando sa mga oil company sa nasud nga tangtangon una ang mga excessive nga buhis. Nagatuo ang grupo nga kaya kining buhaton sa administrasyon, apan makadismaya nga wala kini gibuhat sa gobyerno. (James Oliver)
