CAGAYAN DE ORO CITY – Gusto madunggan sa liga sa mga mayores sa lalawigan nga mahatagan sa kasulbaran ni Pres Bongbong Marcos ang suliran sa pagmahal sa mga batakang palaliton epekto sa pagkasa sa presyo sa produktong petrolyo sa nasud.
Kini alayon sa gitakdang pagbatbat ni Marcos sa iyang State of the Nation Address o SONA sa kamarabaha sa adlaw’ng Lunes sa hapon.
Gibutyag ni Jasaan Mayor Redentor Jardin,vice president sa League of Municipalities of the Philippines Misamis Oriental chapter nga tungod sa dili mapugngan nga usbaw sa presyo sa lana,napun-an usab ang paglisod sa katawhan ug gipasamot pa sa paghuyang sa balor sa peso kontra US dollar.
Samtang gihulatan sa mga negosyante nga mahatagan sa katumanan ang gisaad ni Marcos nga tinud-anay mapalig-on ang sektor sa agrikultura sa nasud.
Kini usab ang gusto madungog sa grupo sa mga negosyante nga nakabase sa syudad ug lalawigan.
Gibutyag ni Antonio Uy,presidente sa MisOr Filipino-Chinese Chamber of Commerce Incorporated nga gisaad kini ni Marcos hinungdang gusto usab nila madunggan ang mas detalyado nga pagbatbat niya niini sa iyang SONA sunod semana.
Gihangyo usab ni Uy ang katawhan nga ubanan sa pag-ampo ang paningkamot sa administrasyong Marcos aron molampos sa pagpakigbatok sa kalisod sa nasud.
Sa pikas bahin,pagbaton sa mas epektibo ug klaro nga pagsulbad sa suliran sa COVID-19 ang gusto madunggan sa pipila ka mga abogado sa SONA ni Marcos.
Kini ang gibutyag ni kanhi IBP-Misamis Oriental chapter president Atty Eddie Cuaresma nunot sa unang SONA ni Marcos sunod semana.
Gawas niini,naglaum usab si Cuaresma nga lakbitan ni Marcos ang mga tataw nga lakang ug kamanduan kabahin sa pag-alkontra sa kanunay’ng pagsaka sa presyo sa produktong petrolyo.
Una nang misugyot ang pipila nga wad-on ang excise tax sa petroleum products ug pag-amiyendar sa rice tarrification law nga mipatay sa domestic rice harvest sa mga mag-uuma sa nasud.
