Giawhag sa pundok sa Youth Rage Against Corruption, ang tanang kabataan nga magpabiling mabinantayon sa umaabot nga State of the Nation Address ni Pangulong Marcos Jr. karong Hulyo 27.
Sa pakighinabi sa Bombo Radyo kang Tiffany Faith Brilliante, co-convenor sa maong grupo, iyang gipadayag nga kinahanglan nga dunganong susihon sa katawhan ang mga tulubagon sa duha ka kinatas-ang opisyal sa nasod ilabi na nga parehong nalambigit ang mga kini sa mga kontrobersyal nga isyu sa paggamit sa pondo.
Gipasabot sa maong opisyal nga ang maong kalihokan maoy higayon aron bantayan dili lang ang mga saad sa administrasyon, kondili lakip na ang pagsubay sa mga confidential funds ug ang naunang flood control scam niadtong milabay nga tuig.
Busa, hugot ang panawagan sa pundok nga kinahanglan nga molihok ang mga batan-on aron masiguro ang pagpanubag ug pagpapriso sa duha ka lider sa nasud.
