CAGAYAN DE ORO CITY – Gitambagan ni kanhi city vice mayor ug Citizens Watch for Good Governance o CWGG 10 convenor Atty. Antonio Soriano si City Mayor Rolando ‘Klarex’ Uy nga mo-focus una sa ‘administration and management’ sa dakbayan.
Kini aron mahatagan sa prioridad ang nag-unang mga suliran susama sa isyu sa basura,trapiko ug pagtibawas sa mga proyekto alang sa katawhan sa dakbayan.
Miingon si Soriano nga unta gamiton ni Klarex ang iyang bag-ong mandato sa dinagko nga pag-atubang sa mga suliran sa syudad ug dili lang kutob sa kasal ug bunyag.
Gihinaut usab sa kanhi bise-mayor nga unta tinud-anay nga moabag ang molangkob sa city council aron dili maglisod ang mayor pagpatuman sa mga programa ug batakang serbisyo alang sa katawhan sa dakbayan.
