Nahibulong si Senate President Vicente “Tito” Sotto mahitungod sa pag-pirma ni Senador Ronald “Bato” Dela Rosa alang sa minority report nga gipagawas sa minority bloc samtang pipila na kini ka bulan nga wala nagpakita sa mga pagdungog sa senado.
Matod ni Sotto, hangtud karon wala pa niya personal nga maistoryahan si Dela Rosa apan wala pud siya nakahibalo kon asa nagpundo ang senador. Gipunting usab ni Sotto nga para kaniya, “minority opinion” lang ang gipagawas sa minorya, ilabi na nga matawag lang kini nga “report” kung gumikan gayud mismo sa nangulo nga konseho.
Opisyal nga mibalik ang sesyon sa senado kagahapo’ng adlawa, Enero 26 apan wala gihapon nagpakita si Senador Dela Rosa, nga katapusang namatikdan kaniadto pang Nobyembre, tuig-2025. (Phillip Ariata)
