CAGAYAN DE ORO CITY, Philippines – Nagface-off na sa korte si TV Host Actor Vic Sotto ug ang kontrobersyal nga direktor sa pelikulang “The Rapists of Pepsi Paloma” nga si Daryll Yap.
Unang mi-abot ang kampo ni Yap sa Muntinlupa Regional Trial Court Branch 205, kagahapon.
Pipila ka minutos ang milabay, mi-abot usab ang kampo ni Sotto, kuyog ang iyang kapikas nga si Pauleen Luna.
Pulos wala mihatag pamahayag ang duha ka kampo apan, si Yap nagpasumbingay nga kamulo pa ang iyang paggama sa pelikula ug wala pa kini matapos.
Sa maong adlaw, gidungog sa korte ang writ of habeas data nga gipetisyon sa reklamanteng actor.
Kini ang unang higayon nga pulos gidungog sa korte ang 19 ka ihap sa cyber libel nga gipasaka ni Sotto kang Yap, ug gi-dungog usab ang gag-order nga gipetisyon ni Yap kang Sotto.
Kung uyunan sa korte ang petisyon sa actor, posibleng tantangon ang poryson sa teaser nga nalakmit ang iyang ngalan.
Taliwala niini, positibo si Yap nga mapagawas niya sa senihan ang pelikula sa bulan sa Pebrero.
