Gibasol sa mga otoridad ang soundproofing foam sa Le Constellation bar isip usa sa hinungdan sa paspas nga pagkuyanap sa kalayo sa ski resort sa Crans-Montana atol sa pagsaulog sa Bag-ong Tuig.
Giingon sa mga imbestigador nga kung regular nga nasusi ang kahimtang sa mga foam, malikayan unta ang dakong trahedya.
Sumala sa report ni Crans-Montana Mayor Nicolas Feraud, sukad pa sa 2019 wala na kini ma-inspeksyon tungod kay giingong dili na kini gikinahanglan.
Sa kasamtangan, ang imbestigasyon nagpunting nga ang kalayo nagsugod dihang nagbitbit ug sparklers ang mga partygoers nga nakadikit sa foam sa kisame, hinungdan sa kusog nga pagkaylap sa sunog.
Mahinumduman nga kapin sa 40 ka tawo ang namatay ug gatusan pa ang nasamdan sa maong insidente.
