CAGAYAN DE ORO CITY – Nadag-an ni South Africa Zozibini Tunzi ang korona sa Miss Universe 2019.
Gipukan ni Tunzi ang sila Miss Puerto Rico Madison Anderson nga first runner-up ug gisundan sa pambato sa Miss Mexico nga si Sofia Aragon isip second runner-up.
Gitaud ni Miss Universe 2018 Catriona Gray ang bag-ong korona sa Miss Universe Organization nga nailang “Power in Unity” nga ginama sa upat ka elemento sama sa kinaiyahan, kusog, kaanyag ug ang pagkababaye.
Ang tanan bato nga milangkob sa “Power in Unity” gama sa jewelry house Mouawad.
Samtang mi-standout ang tubag ni Tunzi sa finale question and answer portion sa 68th Edition sa Miss Universe.
Kini human ang screening committee mipili sa nag-inusarang pangutanan kon unsa ang labing maayong pagtulun-an nga nga mahimo nilang itudlo para sa mga kababaihan karon.
Alang sa kandidata sa Miss South Africa, leadership ang angayan itudlo sa mga kababaihan sa bag-ong henerasyon.
