Tratado isip national event sa South Korea ang comeback concert sa labing sikat nga all boy band BTS.
Namahayag si South Korea’s Interior and Safety Minister Yun Ho-Jung nga gipangandaman sa ilang nasud ang kapin 260,000 ka fans nga musaksi sa konsierto sa Gwanghwamun Square, karong Marso 21.
Ang ilang deployment langkoban sa 4,800 ka pulis ang ipakatap aron magsilbing crowd control ug public safety.
I-ugmentar usab ang 3,400 ka Specialized Personnel nga andam mu-responde sa tawag sa emerhensiya, medical aid, ug logistics. Gawas niini, miingon si Minister Yun nga ang ilang Counterterror Units ipakatag aron batukan ang laraw sa pagpanghasi sa terrorismo.
Sa kinatibuk-an adunay gimuntar nga 15 ka designated security zones o Safe Zone nga gipahimutang palibot sa venue.
Una niini, mikomitar ang producer sa konsierto nga mupakatag sila sa 3,500 safety staff gikan sa management company aron ipapaniguro ang luwas nga konsierto.
Ang BTS gilangkoban sa pito ka miyembro.
Sila RM, Jin, Suga, J-Hope, Jimin, V, and Jungkook, maoy giila karon isip labing malampusong KPOP group sa tibook kasaysayan sa Korea.
Ang ilang mga fans gitawag nila’g BTS Army
