CAGAYAN DE ORO CITY-Magkatagbo ang lain-laing ahensiya sa gobierno kauban ang upat ka opisyal sa South Korea diha sa Phividec Industrial Estate sa Tagoloan,Misamis Oriental.
Miingon si Mindanao International Container Terminal o MICT collector John Simon nga tuyo niini nga matuki ang paagi unsaon mapadali ang pagpabalik sa dul-ag 7-mil ka tonelada nga basura nga gidala sa Verde Soko Philippines Industrical Corporation sa lalawigan nga walay igong pagtugot sa gobierno.
Miingon si Simon nga molungtad sa duha ka adlaw ang katiguman sa duha ka panig aron mahan-ay kon kanus-a makuha’g balik ang mga basura nga unang gipatoo sa Verde Soko nga gamiton sa recycling aron makamugna’g export plastic products.
Nasayran nga miabot ang mga basura sa Misamis Oriental sugod Hulyo ug Oktubre ning tuiga.
