Gitahasan sa South Korean National Assembly si Prime Minister Han Duck-soo nga idumala ang mga kalihukan sa South Korea sulod sa unom ka bulan.
Kini nunot sa pagka-suspenso una sa pipila ka gahom ni South Korean Pres Yoon Suk Yeol epekto sa ikaduhang impeachment case nga iyang giatubang.
Nagsumikad ang katudluan ni Duck-soo sa 204 ka boto gikan sa 300 ka magbabalaod,85 supak,tulo abstain ug 7 ka boto nga inbalido nga ipaubos sa impeachment trial si Yeol tungod sa martial law declaration niini sa miaging semana.
Mismo si National Assembly Speaker Woo Won-shik ang nag-anunsyo nga gipaboran nila ang mosyon sa impeachment procedings batok sa ilang president.
Gilayong magtigom ang constitutional court aron tukion ug hukman ang pagpalagpot sa conservative president nga si Suk Yeol.
Una niini,gibutyag usab sa presidentee nga dili niya basta-basta nga itahan ang iyang opisina taliwala nga dunggon ang kaso batok sa pagpapha kaniya.
Dumduman nga una kining gipapha sa katungdanan sa miaging semana apan napakyas kay nag-walkout ang daghan sa mga magbabalaod.
Kon mapalagpot sa hingpit si Suk-Yeol sa katungdanan,siya ang ikaduha nga conservative president nga nasipa nga unang nahitabo kang kanhi South Korean Pres.Park Geun-hye tuig 2017.
