Gidakop pag-usab si kanhi South Korean President Yoon Suk Yeol human sa ikaduhang warrant of arrest nga gipagawas sa Seoul Central District Court.
Ang maong warrant resulta sa iyang kontrobersyal nga deklarasyon sa martial law niadtong Disyembre 3, 2024, nga mikunhod lang og pipila ka oras human kini gisalikway sa mga mambabalaod.
Si Yoon giakusahan sa daghang seryosong krimen lakip na ang abuse of power, pagpalsipikar sa mga opisyal nga dokumento, ug pagbabag sa opisyal nga mga katungdanan.
Gituohan usab nga siya naggamit sa presidential security forces isip personal nga kasundalohan aron babagan ang unang pagsulay sa iyang pagdakop.
Sa hearing, hugtanong gidepensa ni Yoon ang iyang mga lihok, nga giingon niyang gikinahanglan aron mapugngan ang mga “anti-state” nga pwersa.
Apan ang korte mituo nga adunay peligro nga iyang laglagon ang ebidensya, hinungdan nga gipasaka ang warrant sa ikaduhang higayon.
Ang mga imbestigador karon nagtinguha nga pasakaan siya og dugang kaso, ug posibleng magpabilin siya sa kustodiya sulod sa mga bulan samtang nagpadayon ang proseso sa korte.
