CAGAYAN DE ORO CITY – Gi-demanda ni opposition Sangguniang Panlalawigan board member Jessa Mugot nga mangayo’g pasaylo kaniya si administration SP board member Dexter Yasay nga pulos naggikan sa segundo distrito sa Misamis Oriental.
Kini human daw nabastos si Mugot sa tubag ni Yasay kabahin sa kontrobersyal nga pagpasar sa supplemental budget nga gipangayo ni Gov Bambi Emano balor sa 145 milyon pesos.
Miingon si Mugot nga mipirma siya sa maong dokumento apan wala nagpasabot nga misuporta siya niini tungod kay may pipila pa kini ka reserbasyon.
Samtang dili mangayo’g pasaylo si SP board member Dexter Yasay ngadto sa kagustuhan ni opposition Sangguniang Panlalawigan board member Jessa Mugot.
Miingon si Yasay nga igo ra niya gitubag ang pasangil ni Mugot nga kabahin sa daw dili patas nga pagtratar samtang gituki nila ang 145 milyon pesos nga supplemental budget alang sa kagamhanan sa probinsya.
Gibutyag ni Yasay nga mismo ra sa mga pulong ni Mugot nga nagtumbok sa iyang kaugalingon nga wala kini magsulti sa tinood atubangan sa katawhan sa Misamis Oriental.
