CAGAYAN DE ORO CITY – Gihagit sa Sangguniang Panlalawigan o SP ang milangkob sa duha ka pundok sa simbahang Katolika ug Pilipinista nga kasuhan ang mga tawo nga nagpaluyo sa pagkatukod ug operate sa Grand Imperial Casino diha sa Brgy Taboc,Opol,Misamis Oriental.
Gihimo ni SP Board Member Dexter Yasay ang hagit nunot sa ilang pagtak-op sa hearing sa casino operation diin mitunga ang pipila ka representasyon sa simbahan,mga abogado sa Grand Imperial apan pakyas na si Opol Mayor Max Seno.
Miingon ang opisyal nga tungod sa pagtugot ni Seno nga walay konsultasyon,pakyas niining napanalipdan ang simbahan,tunghaan ug mismong mga residente sa lugar.
Dugtong niini,gitinguha usab sa probinsya nga idangop sa DILG ang daw pag-abuso ug pagpasagad ni Seno sa iyang trabaho hinungdang nasudlan sa casino ang maong lungsod.
Dumduman nga una nang gipamugos ni Seno nga kontrolado sa PAGCOR ug dili sa local govt unit kon nganong nakaabot sa ilang lungsod ang maong balay-pasugalan.
Sa kasamtangan,sirado una ang maong casino kay kabahin ang Misamis Oriental sa alert level 3 tungod sa paspas nga pagtaas sa bag-ong mga kaso sa COVID-19 ning bulana.
