CAGAYAN DE ORO CITY, Philippines– Nahukman ni Senate President Chiz Escudero nga i-turnover sa Senate Legal Department ang subpoena nga gipasa kaniya sa Committee on Foreign Relations, ni Senador Imee Marcos.
Sa pakighinabi sa press, mitin-aw si Escudero nga adunay punto ang executive secretary nga dili ipatambong ang mga resource person nga giimbitar ni Marcos gamit ang executive privilege nga gi-invoke sa Palasyo.
Gusto ni Escudero nga tun-an ug maayo ang punto-legal sa pag-isyu sa subpoena ilabe nga mahimong muresulta kini sa constitutional crisis kung ipadayon sa mga opisyal sa gobyerno ang paglikay sa hearing sa senado, gamit ang legal nga proteksyon gikan sa Opisina sa Presidente.
Si Escudero mi-ingon nga kinahanglan nga mag-amping ang Senado aron malikayan sa mas dako nga suliran ug magpabilin nga naa sa hustong legal nga proseso.
Kini ang rason nga wala niya gipirmahan sa dinali-dali ang mga dokumento nga gisubmiter kaniya ni Marcos.
