Gatuo matud pa si Senate President Sherwin Gatchalian nga makabaton og malungtarong kahusay ug dugay nang gihinam nga kalambuan sa ekonomiya ang Bangsamoro Autonomous Region in Muslim Mindanao (BARMM).
Ang pahayag ni Gatchalian kay sunod sa inaugural session sa mga miyembro sa Bangsamoro Parliament, diin napili si Abdulraof Macacua isip chief minister.
Gitimbaya sa Senate President ang bag-ong liderato sa BARMM ug mipadayag kini sa iyang kumpiyansa nga maduso niini ang maayong panggobyerno ug programa nga mopauswag sa panginabuhian ug kaayuhan sa mga molupyo.
Giawhag usab ni Gatchalian ang mga grupong politikanhon, civil society organizations, ug lokal nga kagamhanan nga suportahan ang bag-ong administrasyon sa BARMM aron masiguro ang kalig-on ug paglambo nga mapuslan sa tanan. (raniel mahunyag)
