CAGAYAN DE ORO CITY-Gipanganti ni Sangguniang Panlalawigan Board Member Gregorio Sabal III nga mag-atubang sa kasong administratibo ug kriminal ang Verde Soko ingon man ang mga tawo nga responsable sa pagpasulod dul-ag 7-mil ka tonelada nga basura gikan sa South Korea sa Tagoloan,Misamis Oriental.
Siya miingon nga nakasupak sila sa enviromental law sa Pilipinas aron angay kasuhan.Una niiini, gipasalamatan ni Sabal ang South Korean govt sa ilang pagpaningkamot nga makuhag balik ang libuang tonelada sa ilegal nga basura nga iya sa Verde Soko Philippines Industrial Corporation sa MICT ning lalawigan.
Samtang gitawag ni Mindanao International Container Terminal o MICT collector John Simon nga kadaugan sa katawhan batok pag-abuso sa kinaiyahan ang kalihukan sa Tagoloan,Misamis Oriental.
Kini human hingpit nang gikuha sa South Korean govt ang 51 containers nga puno sa mga basura nga unang gipalusot sa Verde Soko Philippines Industrial Corporation pabalik sa South Korea.
Miingon si Simon nga mibiya ang barko sa Maersk Line sakay ang kapin libo ka tonelada nga basura ning lalawigan padulong South Korea.
