PC:Owner
CAGAYAN DE ORO CITY- Nakabotar na si Senate President Koko Pimentel sa iyang presinto sa padayong Barangay ug Sangguniang Kabataan Elections (BSKE) sa City Central School sa Yacapin-Velez Streets,Cagayan de Oro City.
Kini human kabahin si Pimentel kauban ang iyang staff na sayo midangat sa City Central School aron magbotar sa mga kandidato nga nakabase sa Barangay 3 sa syudad.
Miingon si Pimentel nga unta dili usikan sa mga botante ang higayon aron makapili sa angayang kandidato nga mangulo sa ilang barangay sa nabiling duha ka tuig nga pagpangalagad.
Si Pimentel nga anak ni kanhi Senate President Nene Pimentel Jr ang regular nga gauli sa syudad kon ilusad ang piliay aron mobotar sa mga kandidato.
Hinoon,tin-aw sa balaod nga non-partisan ang brgy elections apan dili matago nga daghan sa elected local government officials ang nag-suporta sa ilang kaugalingong kandidato nga susama’g tumong sa mga programa nga gipatuman niini.
