CAGAYAN DE ORO CITY – Mipasar sa resolusyon si opposition SP board member Jerry Khu aron obligahon si Gov Bambi Emano nga gamiton ang 2019 budget aron makapadayon sa pagserbisyo sa katawhan sa Misamis Oriental.
Kini human unang mipasaka’g kasong regulatory relief ang kampo ni Vice Gov Jigjag Pelaez batok sa sobra 3 bilyon pesos nga pondo alang sa lalawigan ning tuiga.
Miingon si Khu nga tungod kay ‘in-operative’ ang 2020 budget ug naka-pending sa korte ang kaso,angay lamang magamit ang 2019 nga pondo.
Samtang gipasibog ni administration SP board member Gerardo Sabal III ang resolusyon ni diin ipagamit sa Emano administration ang 2019 budget sa lalawigan.
Miingon si Sabal nga dili nila gusto mapriso hinungdan gisupak nila ang resolusyon ni Khu sa ilang regular session sa SP kagahapon sa hapon.
Gibutyag ni Sabal nga dili na angay matuki sulod sa sesyon ang naka-TRO nga kaso aron kalikayan nga sila kasuhan sa korte nga naghawid niini.
