CAGAYAN DE ORO CITY-Gitawag ni House Speaker Gloria Macagapal Arroyo nga “very tragic” ang nahitabong pagpamomba sa Jolo,Sulu.
Tungod niini, gipanganti sa magbabalaod nga paningkamutan sa gobyerno nga masilotan ang mihimo sa liniog nga krimen.
Gani,miapelar si Arroyo sa mga biktima nga survivors sa hitabo nga dili magpakawala sa paglaum kay gihimo sa gobierno ang tanan aron masulbad ang pagpamomba.
Samtang giawhag ni Autonomous Region of Muslim Mindanao o ARMM Gov Mujiv Hattaman ang publiko nga dili mag-mataranta nunot na sa nahitabong pagpamomba nga gikamatay sa 22 ka tawo samtang 112 ang samaron sa Jolo,Sulu.
Siya miingon nga kinahanglang alerto ug magbinantayon ang mga residente sa maong lugar aron dili na subli pang mahitabo ang pagpamomba.
Una nang gibutyag ni Hattaman nga dako iyang pagtoo nga ang grupo sa bandidong Abu Sayyaf Group ang utok sa pagpamomba.
