CAGAYAN DE ORO CITY-Gipasalig sa militar nga dili maapektuhan ang paghimo sa brgy ug sk elections sa Marawi City ning bulana.
Kini bisan natigayon ang engkuwentro sa militar batok Maute-ISIS diin pito ka tawo ang nakabsan sa kinabuhi sa bukirang bahin sa Lanao del Sur kagahapong adlawa.
Miingon si Joint Task Force Ranao deputy commander Col Romeo Brawner Jr nga layo ra ang maong engkuwentro ug daghan usab ang gikatag nga sundalo ug kapolisan sa mga lugar nga himoan sa piliay.
Una niini, napatay sa militar ang upat ka terorista samtang nadamay-kamatay usab ang duha ka sibilyan ug laing usa ka sundalo sa engkuwentro.
