CAGAYAN DE ORO CITY – Gi-deklara sa Malakanyang nga special non-working holiday alang sa katawhan sa Cagayan de Oro City ang Hunyo 16 ning tuiga.
Kini human hangyu-a ni City Mayor Klarex Uy si Pres Bongbong Marcos alang niini aron maduyugan sa katawhan ang pagsaulog sa ika-75 ka tuig nga pagka-karta sa syudad.
Natunong man sa adlaw’ng Domingo ang Hunyo 15 hinungdan nga gipa-irog kini sa petsa 16 diin giuyunan sa Palasyo.
Tungod niini,makahatag sa igong higayon ang Cagay-anons sa paglambigit sa mga kalihukan sa adlaw’ng natawhan sa dakbayan.
Magsilbi usab kini nga Diamond Jubilee sa pagsilbing syudad sa Cagayan de Oro.
Hisayrang nagsugod ang pagka-independent city sa Cagayan de Oro Hunyo 15, 1950.
