Nagpagula na sa special traffic scheme ang buhatan sa Roads and Traffic Administration (RTA) alayon sa ipahigayong traslacion sa Itom nga Nazareno karong umaabot nga Byernes. Gibutyag ni RTA Manager Engr. Nonito Oclarit, aduna silay temporaryong pagsira sa mga dalan sa atubangan sa Nazareno Parish Church aron mahimong rota sa procession padulong sa San Agustin Metropolitan Church ning syudad. Human sa procession, panahon sa misa hangtod gabii, temporarily closed usab ang usa ka linya sa dalan sa atubangan sa simbahan aron hatagan sa lugar ang mga musimba, ug dili madistorbo ang Santos nga Misa sa parokya. Gitinguha sa RTA nga magkooperar ang mga drivers aron masiguro ang hanutoy nga trapiko.
