Bagting sa pagpaningil sa mga abusadong punoan sa gobyerno ang opisyal nga paggawas sa warrant of arrest batok kay kanhing House Speaker Martin Romualdez alang sa walay pyansa nga kasong plunder.
Sumala ni Cagayan de Oro Representative Rufus Rodriguez, maskin unsa pa ka gamhanan o ka sikat ang usa ka politiko, kinahanglan kining moyukbo ug mosubay sa legal nga proseso sa Korte.
Gitin-aw sa magbabalaod nga lig-on ang gihimong imbestigasyon sa Ombudsman ug Independent Committee on Infrastructure hinungdan nga naabot sa Sandiganbayan ang maong kaso.
Tungod niini, mudapig ang opisyal sa panawagan nga wagtangon ang pagpabor-pabor ug ipapanubag ang tanang nalambigit sa anomalya sa pondo sa nasod.
