CAGAYAN DE ORO CITY – Pangita-ag pondo ni Misamis Oriental 2nd District Cong. Bambi Emano gikan sa DPWH ug national govt nga magamit aron matukod ang pedestrian overpass sa kalungsuran nga ubos sa iyang distrito sa lalawigan.
Kini ang anaa sa listahan sa kongresista ug ang tinguha nga pasaran sa balaodnon nga dunay ipatuman nga speed limits ang mga sakyanan nga gaagi sa national highways ilabina sa lalawigan.
Kini aron kalikayan ang grabeng impact kon simbako dunay mga pagbangga sa pipila ka mga sakyanan.
Gihimo ni Emano ang pahayag tungod sa ngilngig nga kamatayon sa duha ka drivers ug tulo ka pasahero epekto sa pagbangga sa RTMI bus ug fish carrier sa Brgy Burnay,Gitagum,Misamis Oriental sa miaging kadlawon.
Hisayrang kabahin ang kongresista nga nasubo sa hitabo sanglit nasulod kini sa iyang distrito sa lalawigan.
