CAGAYAN DE ORO CITY-Gipatuman sa PNP-10 kauban ang militar ang mas hugot nga checkpoint sa entry ug exit point sa Amihang Mindanao.
Kini aron mapugngan ang spillover sa kagubot nga nahitabo sa Lanao del Sur diin nagpadayon gihapon ang engkwentro sa gobyerno ug mga grupo sa terorista.
Matud ni PNP regional spokesperson Supt Surki Sereñas nga hugot ang koordinasyon sa PNP sa uban pang mga ahensya sa gobyerno sa pagbantay sa nahitabong kagubot sa kasikbit nga lugar ug nakaandam na sila sa ilang countermeasures kung gikinahanglan ang interbensyon.
Giangkon ni Sereñas nga dili nila ikapasalig sa publiko nga mapugngan ang pagsulod sa mga terorista sa rehiyon apan himoon nila nila ang tanan aron kini malikayan.
