Dako ang tabang sa sports ug mga aktibong kalihokan aron mapahilayo ang mga kabatan-onan sa Marawi City gikan sa violent extremism ug uban pang matang sa kapintasan.
Matud ni Drieza Liningding sa Moroconsensus Group, mas daghang mga batan-on karon ang nalambigit sa sports sama sa pickleball hinungdan nga nagkadaghan usab ang mga pasilidad alang niini sa nagkalainlaing bahin sa siyudad.
Dugang pa niini, giingon ni Liningding nga dako usab ang kausaban sa Marawi City human sa nangaging kagubot ilabina sa pagdisiplina sa mga lumulupyo ug pagsunod sa mga lagda ug regulasyon.
Busa, naglaum ang grupo nga pinaagi sa positibong pag-apil sa mga kabatan-onan sa sports ug komunidad nga kalihokan, dili na mausab pa ang mapait nga kasinatian sa Marawi Siege.
