CAGAYAN DE ORO CITY- Gideklara ang national day of mourning sa Sri Lanka.
Kini may kalabutan sa sunod-sunod nga pagpamomba sa mga simbahan ug hotel nga gikamatay sa dul-ag 300 ka tawo ug anaa sa 500 ang angol sa maong nasud sa pagsugat sa Easter Sunday.
Gibutyag sa Bombo Radyo sa Pinay worker nga si Lorna Hettiarachy nga taga- Oriental Mindoro apan nanimuyo na sa Colombo City,Sri Lanka nga nakurat sila sa hitabo diin nagsilbi pa gihapong ghost town ang ilang lugar.
Dugtong niini,gitumbok sa Sri Lankan govt nga ang grupong National Thowfeek Jamaath ang responsable sa sunod-sunod nga pagpamomba sa mga simbahan ug mga hotel niadtong Domingo sa buntag.
