CAGAYAN DE ORO CITY- Gipa-resign sa katawhan sila si Sri Lankan Pres Maithripala Sirisena ug Sri Lankan Prime Minister Ranil Wickremesinghe.
Kini ang gi-report sa Bombo Radyo news international correspondent Pinay worker Lorna Hettiarachy nga nakabase sa Colombo City sa maong nasud.
Miingon si Hettiarachy nga naglisod pagdawat ang Sri Lankan citizens sa dakong kapalpakan nila Sirisena ug Wickremesinghe nga wala mapugngi ang pag-atake sa radical groups sa mga simbahang Katoliko ug mga hotel sa kasaulugan sa Easter Sunday.
Namahayag si Hettiarachy nga tungod sa pag-angkon ISIS nga sila ang utok sa pagpamomba nga gikamatay na sa kapi’g 300 ka tawo,ubos sa state of emergency ang maong nasud.
