CAGAYAN DE ORO CITY-Ordinahan na pagka-obispo ang 55 anyos nga pari nga sakop sa Society of Saint John Vianney o SSJV nga si Fr Raul Dael nga taga-Brgy Kimaya,Jasaan,Misamis Oriental sa San Agustin Cathedral sa syudad sa Hunyo 7 ning tuiga.
Kini human pilia si Dael si Pope Francis nga hulipan ang i-bakante nga puwesto ni Bishop Nereo Odchimar sa Tandag City,Surigao del Sur.
Miingon si Dael nga ang iyang pagkatudlo isip bag-ong obispo ang alang sa simbahan ug dili ngadto sa iyang kaugalingon.
Si Manila Cardinal Luis Antonio Card Tagle inabagan ni Archbishop Antonio Ledesma ug Odchimar ang mangunay sa pag-ordina kang Dael ensakto 25 ka tuig gikan sa iyang pagka-pari tuig 1993.
