Gipasalig sa Social Security System (SSS) nga ang pension fund alang sa iyang mga miyembro, magpabiling luwas ug lig-on, lakip na sa umaabot nga henerasyon.
Gipagula sa ahensya ang pahayag nunot na sa natala nga makasaysayanong rekord, kundiin, milapas na sa 1 trilyon pesos ang marka sa ilang reserbang pondo sa tuig 2025.
Gibutyag ni Finance Secretary ug Social Security Commission (SSC) Chair Frederick Go nga ang net income sa SSS sa miaging tuig miabot sa P142.97 bilyon.
Kini nagpasabot nga misaka sa 58.4% ang ilang kinitaan, ug mas taas kini itande sa ilang rekord sa tuig 2024. Mitubo usab ang kinatibuk-ang asset sa ahensya ngadto sa P1.26 trilyon.
Kini na ang gikonsiderar nga record-breaking financial performance sa SSS.
