Gipaniguro ni Philippine National Police – Chief General Nicolas Torre III nga istriktong mapatuman ang firearms proficiency standards alang sa tanang pulis sa ilang organisasyon.
Misugyot si Torre nga siya ang mangunay sa pag examin sa mga mukuhag profiency test hangtud sa oras nga siya magretiro.
Unang gitataw sa Chief PNP nga ang PNP Directorate for Human Resource and Doctrine Development (DHRDD) dugay nang nagpatuman sa proficiency standards, apan, wala kini seryosoha sa pagpatuman sa miaging tuig.
Agig resulta sa huyang nga gabayan, gipatuman karon ni Torre ang iyang direktiba nga ang tanan opisyal sa top leadership ang unang mukuhag exam sa proficiency standards sa Hulyo.
Iyang gitin-aw nga walay “exempted” sa pagkuhag proficiency exam kay rekisitos na ang pagsukod sa marksmanship test sa tanan miyembro sa PNP, kundiin, ang masapon nga dili mutuman, ipatangtang niya sa puwesto.
